Марий Элын Тазалык аралтыш министерствыже «Тазалык кече» акцийын кышкарыштыже эртараш палемдыме мероприятий-влак радамым ямдылен.
График дене келшышын, 13 майыште Йошкар-Оласе 2-шо №-ан поликлиникыште специалист-влак калыкын тазалыкшым диспансеризаций да профилактический осмотр кышкарыште тергат, приёмым 8 гыч 14 шагат марте эртарат.
15 майыште Морко районысо рӱдӧ больницын терапевтше, неврологшо, ЛОР-врачше, окулистше, гинекологшо, эндокринологшо да дерматологшо Волаксола фельдшер-акушер пунктышто 8 гыч 15 шагат марте пашам ыштат.
19 майыште Оршанке районысо рӱдӧ больницын терапевтше Кугу Ӧрша фельдшер-акушер пунктышто пациент-влакым 9 гыч 12 шагат марте приниматла.
20 майыште Йошкар-Оласе 3-шо №-ан поликлинике калыклан диспансеризаций ден профилактический осмотрым эртара. Тудын кышкарыштыже специалист-влак 9 гыч 12 шагат марте пашам ыштат.
23 майыште Медведево районысо рӱдӧ больницын терапевтше, кардиологшо, эндокринологшо да дерматологшо Лӱльпан участковый больницыште пациент-влакын тазалыкыштым 9 гыч 13 шагат марте тергат.
29 майыште Килемар районысо рӱдӧ больницын терапевтше, хирургшо да акушер-гинекологшо Визымйӓр врачебный амбулаторийыште 9 гыч 13 шагат марте пашам ыштат.
Пациент-влаклан пелен паспортым, медицине страхований полисым да СНИЛС-ым налаш кӱлеш.
М.ИВАНОВА
Фотом интернет гыч налме
