Марий Эл гыч тунемше республикын чапшым «Артек» тӱнямбал йоча рӱдерыште аралаш тӱҥалеш.
Тушто 21-31 июль марте «Молодёжь да йоча-влак» нацпроект кышкарыште «Большая перемена» Россий кӱкшытан конкурсын кудымшо сезонжын финалже лиеш. Финалыште Йошкар-Оласе 29-ше №-ан школышто тунемше Игорь Марков шинчымашыжым да моштымашыжым ончыкта. Участник-влак заданийым шукташ тӱҥалыт, тыгак нуным тӱрлӧ сфер гыч эксперт-влак дене вашлиймаш, мастер-класс-шамыч да моло мероприятий вучат.
Г.Кожевникова
Фотом марий Эл Образований да науко министерствын соцкылысе лаштыкше гыч налме
