Сеҥымаш кече вашеш марий рӱдолам тулдиодан иллюминаций дене сӧрастарат.
Йошкар-Ола Кугу Сеҥымаш кечылан ямдылалтеш. Тиде амал денак концерт площадкылам, шарнымаш меропритяийлам ямдылат. Ончыкылык тукым верч совет калыкын ыштыме подвигше нерген шарныктарыше баннер-влакым вераҥдат. Поснак кугу тӱткышым тӱшка калыкын пайдаланыме кумдыкшо-влаклан ойырат.
Мутлан, Ната Бабушкинан скверыш, Республикын да Пресвятой Дева Мариян площадьышкыже, Марий паркыш, Кокшайск проезд ден Строитель, тыгак Карл Либкнехт ден Лебедев урем-влакын ушнымаштышт декоративный тул иллюминацийым вераҥаш палемдыме. Ленин проспектын ик участкыштыже электротул меҥгылаште тулдиодан консоль лиеш. Ленин лӱмеш площадьыште «Спасибо за Победу» манын возыман волгалтше фигур шогаш тӱҥалеш.
Светлана Носова.
