Россий кӱкшытан «Большая перемена» конкурсын финалыштыже Марий Эл гыч ӱдыр-рвезе-влак призёр лийыныт.
Тиде Ольга Номанова, Екатерина Жирова, Елена Мамаева (Бауман лицей), Савва Кузьминов (Экономико-правовой гимназий), Елизавета Москалева (Семёновка селасе 21-ше №-ан школ), Карина Ванюкова (Козьмодемьянскысе 3-шо №-ан школ), Арина Иванова (Йошкар-Оласе 20-шо №-ан школ), Ян Речкин (Йошкар-Оласе 9-ше №-ан школ), Арина Курочкина (Шуко профилян лицей-интернат), Артём Гиносян Волжск оласе 4-ше №-ан школ.
«Артек» тӱнямбал рӱдерыште эртыше мероприятий элын 79 регионжо гыч 1500 йочам иктвереш чумырен. Конкурсышто сеҥыше да призёр-влакым окса пӧлек (ик миллион теҥге марте кугытан) дене палемденыт, а нунын педагог-наставникыштлан – 150 тӱжем теҥге марте кугытаным.
Г.Кожевникова
Марий Эл Образований да науко министерствын воктылже гыч налме фото
