14 февральыште Марий Элын Общественный палатыже Россий Президентым сайлымаште эскерыме пашам пырля ыштыме шотышто мемнан республикыште улшо партий-влакын еҥышт дене ойпидышым подписатлен.
Марий Элыште Общественный наблюдений штаб пашам ышта. Эскерыше-влак тунеммашым эртат. Ончыкыжым нуно регионысо чыла участковый избирательный комиссийлаште лийыт.
Ты пашаште кугу полышым мер организаций-влак пуат.
– Тиде моткочак кӱлешан ойпидыш. Тудым подписатлыше партий-влакын еҥышт президентым сайлымаш закон дене келшышын эртыже манын шонымашан да тыгай кумылан улыт, – каласен Марий Элын Общественный палатыжын председательже, Общественный наблюдений штабын еҥже Герман Дементьев.
Вашкыл нерген ойпидышым «Единая Россия», ЛДПР, «Справедливая Россия – За правду», «Новые люди», тыгак «Гражданская платформа», «Российская партия пенсионеров за социальную справедливость» партий-влакын еҥышт подписатленыт.
Л.Камалетдинова
