Шорык
Тиде арнян вуйлатышыда дене мутланыме кумылдам нӧлталеш. Молан манаш гын тудо тыланда кугурак должностьым темла але пашадарым утларак тӱла. Коллеге-влак кокла гыч иктаж-кӧ дене умылыдымаш лектын гын, ик ойыш шуаш тыршыза.
Презе
Нине кечылаште нимогай ойпидышымат ышташ огеш темлалт, молан манаш гын нелылык лектын кертеш. Кеч-момат весын ойжо почеш огыл, а шканда кӱлмӧ семын ышташ тыршыза. У шӱмбел дене палыме лияш келшыше жап.
Йыгыр
Арнян икымше пелыштыже оксам йомдарен але арам ыштен кертыда. Тиде амал денак нине кечылаште шийвундым ешараш нигушкат пыштыман, кугу сатумат налман огыл. Шке мастарлыкым да моштымашым ончыкташ келшен толеш.
Рак
Еҥ-шамыч дене мутланыме годым ик ойыш шуаш тыршаш кумылда укелан кӧра чӱчкыдынак вурседылмаш тарванен кертеш. Пашаште вуйлатышыда денат нелылык лектеш, очыни. Тӱҥалме сомылым мучаш марте шуктыман.
Лев
Тиде арнян вер гыч верыш кусараш лийдыме пого дене кылдалтше йодышым рашемдаш сай жап. Сандене иктаж-мом налын але ужален, ремонтым тӱҥалын кертыда. Мом кузе ыштыме чылажат шкандат да лишыл еҥда-влакланат келша.
Ӱдыр
Кызыт моткочак кӱлешан уверым пален налыда, очыни. Ончыкыжым тудо тыланда пайдале лийын кертеш. Мӧҥгыштӧ шуктымо кырча-марча сомыл-влак нойыктарат. Тидлан кӧра тазалыкда начаремме лӱдыкшӧ уло, сандене шекланыза.
Виса
Нине кечылаште нимо шотыштат вашкыман огыл. Ыштен кертыда але шуктеда манын тӱрыс огыда ӱшане гын, лучо иктыланат полшаш ида сӧрӧ. Еҥ-шамыч дене мутланыме годым тӱткӧ лийман. Усталык пашам шукташ, иктаж-кӧм вучыдымо пӧлек дене куандараш келшыше арня.
Скорпион
Кызыт паша верым вашталтен але ешартыш оксам ыштен налаш йӧным кычалаш тӱҥалын кертыда. Мутланаш йӧратыме кумылда у шӱмбел дене палыме лияш чотак полша. Тидлан еҥ шуко погынымо верлашке чӱчкыдынрак миен толыда гын, пайдаже утларак лиеш.
Пикшызе
Нине кечылаште шканда пайремым ыштыза. Тыге кумылда утларак нӧлталтеш. Адакшым тылеч вара улшо тӱрлӧ нелылык нерген шонымашда вашталтеш да тудым кузе сеҥышаш шотышто йӧн-влак вучыдымын шкештак лектыт.
Ирказа
Кугурак должностьышко нӧлталташ кумылда уло гын, пашам утларак да эшеат сайын ыштен кертмым вуйлатышылан ончыкташ тыршыман. Торжалыкым шагалрак палдараш, утларак шыргыжаш тыршыман. Сӧрал вершӧрлашке миен толза.
Вӱд йоктарыше
Бизнес дене кылдалтше пашам шукташ келшыше жап огыл, молан манаш гын партнёр-шамыч дене умылыдымаш, тӱрлӧ нелылык лектын кертыт. Уто роскотыш пурымо лӱдыкшат уло. Документ-влаклан поснак кугу тӱткышым ойырыман.
Кол
Усталык дене кылдалтше пашам ыштыше-влакым поснак куандарыше да лектышан арня вуча. Тыгодым утларак жапым шкетын эртареда гын, пайдаже шукырак лиеш. Кугу погым налын, мӧҥгыштӧ ремонтым ыштен кертыда. Тыгодым икшывыдалан да шӱмбелдаланат тӱткышым ситышын ойырыза.
Ӱпым пӱчкаш тарваненда гын
8 июль. Таче ӱпым пӱчкашат, чиялташат огеш темлалт, молан манаш гын уш-акылдам уда шонымаш-влак авалтен кертыт.
9 июль. Тиде кечын ӱпым пӱчкыда гын, оксада ешаралтеш, иктаж погым налыда. Ӱпым ошалге тӱсыш гына чиялташ келшен толеш.
10 июль. Ӱпым пӱчмӧ тазалыкым пеҥгыдемдаш, уда деч утлаш полша. Ӱпым чиялтыман огыл, уке гын еҥ-влак дене вурседылаш тӱҥалыда.
11 июль. Ӱпым пӱчманат, чиялтыманат огыл. Молан манаш гын тылеч вара пашаштыда нелылык лектын, тазалыкда лунчырген кертыт.
12 июль. Таче ӱпым пӱчкынат, чиялтенат кертыда, вет тылеч вара тазалыкда пеҥгыдемеш, илышда кужемеш.
13 июль. Тиде кечын ӱп дене нимомат ыштыман огыл, уке гын иктаж-могай чер авалтен кертеш.
14 июль. Ӱпым пӱчмылан кӧра тазалыкда начаремме лӱдыкшӧ уло. Ӱпым хна дене чиялтеда гын, иммунитетда пеҥгыдемеш, пашаште чапда кушкеш.
Л.Камалетдинова
Авторын фотожо
