КУЛЬТУР ДА ИСКУССТВО ФОЛЬКЛОР

Нуно илышнам сӧрастарат, калыкнан поянлыкшым аралат

Эртыше кугарнян тўвыра пашаеҥ-влак профессиональный пайремыштым палемденыт.

Я.Эшпай лўмеш Марий кугыжаныш филармонийын залышкыже район администраций вуйлатыше, культур учрежденийлаште пашам ыштыше, калыкнан ойыртемалтше йўлаж ден тўвыражым аралымаште да вияҥдымаште кугу надырым пыштыше-влак чумыргеныт.

Пайремын озаже-влакым эн ончычак Марий Эл вуйлатыше Александр Евстифеев саламлен.

– Регионысо культур пашаеҥ-влакын сеҥымашышт нерген республик деч ӧрдыжтӧ илыше-влакланат сайын палыме. Тоштерлаште, библиотекылаште, театрлаште, искусство школлаште да тўвыра пӧртлаште ныл тўжем еҥ шке пашажым сайын шукта. Элыштына шочмо йылмым, ойыртемалтше тўвыра поянлыкым аралат да тукым гыч тукымыш шуен толыт. Элнан Президентше 2022 ийым Российысе калык-влакын тўвыра поянлыкышт идылык семын увертарен, сандене тудым республикыштына сайын эртарен колташ тыршаш тўҥалына, – палемден регион вуйлатыше. – Марий Эл – тўрлӧ национальностян калыкым ушышо регион. Кажныжын историйже, тўвыраже – икте-весыж деч ойыртемалтше. Кызыт республикыштына 7 театр-концерт организаций уло. Нунын тыршымышт дене кугу фестиваль-влак эртаралтыт. Регионысо тоштер-шамычат историй да тўвыра поянлыкым аралымаште чот тыршат. Культур учрежденийласе усталык коллектив-влакат шке пайремышкышт, фольклор мероприятийышкышт шуко калыкым ушат.

Республикыштына тукым гыч тукымыш куснышо историй да тўвыра поянлыкнам арален кодымаште «Культур» нацпроект полша.

Тиддеч вара республик вуйлатышын А.Евстифеев тўвыра аланыште ятыр ий пашам ыштыше икмыняр еҥлан правительстве наградым кучыктен. Республикысе курчак театрын актрисыже (снимкыште) Эльвира Лисицына «За заслуги перед Марий Эл» II степенян орден, «Марий Эл культурын сулло пашаеҥже» лўм дене И.С.Палантай лўмеш тўвыра да искусство колледжын преподавательже Лариса Лаврова, С.Г.Чавайн лўмеш национальный книгагудын пӧлка вуйлатышыже Галина Леденейкина, Медведево районысо Руэм йоча искусство школын преподавательже Светлана Мозалева да «Марийская правда» газетын корректоржо Инна Пушкарева палемдалтыныт.

Тўвыра пашаеҥ-шамычым профессиональный пайремышт дене депутат-влак лўм дене Марий Эл Кугыжаныш Погын вуйлатышын алмаштышыже Евгений Кузьмин саламлыш. Тўвыра, савыктыш да калык-влакын пашашт шотышто министр Константин Иванов саламлышыжла ўмаште культур аланыште шуктымо паша, эртарыме кугу событий-влак нерген ушештарен да тений ыштышаш сомыл нерген каласкален.

– «Культур» нацпроект да «Культура в Марий Эл» кугыжаныш программе полшымо дене шуко паша шукталтеш. 2022 ийыште тўвыра аланлан республикын бюджетше гыч 1,5 утла миллиард теҥге ойыралтын, федеральный бюджет гычат 250 миллион теҥге пурышаш. А «Культур» нацпроектлан 140 утла миллион теҥге ойыралтшаш. Теният тўвыра пӧрт-влакым уэмден олмыкташ, йоча искусство школлаш семўзгар-влакым налаш тўҥалына. Российысе калык-влакын тўвыра поянлыкышт идалыклан пєлеклалтше республик кўкшытан 30 утла мероприятийым эртарышаш улына, – палемден Константин Анатольевич да администраций вуйлатыше, культур аланыште тыршен пашам ыштыше да ойыртемалтше-влаклан Чап грамот ден тауштымашым кучыктен.

Пайремым «Талант памаш» концерт мучашлен. Тушто республикысе эн чолга да виян усталык коллектив ден мурызо-влак мастарлыкым ончыктеныт.

«Ял кумдыкышто эн сай культур учреждений»:

Кужэ‰ер районысо Йўледўр тўвыра пӧрт;

– Медведево районысо Пиясир тўвыра пӧрт;

– Оршанке районысо Марково тўвыра пӧрт;

– Параньга районысо Олор тўвыра пӧрт;

– Советский районысо Єрша тўвыра пӧрт;

«Ял кумдыкысо тўвыра учрежденийын эн сай пашаеҥже»

Анатолий Мартынов, Звенигово районысо Юлъял тўвыра пӧрт вуйлатыше;

Лариса Ибраева, Килемар районысо Церкысола тўвыра пӧртын балетмейстерже;

Галина Жилкина, Кужэҥер районысо Старсела тўвыра пӧрт вуйлатыше;

Алёна Семенова, Марий Турек районысо рўдӧ клуб системын «Зӓрдон» калык ансамбльжын балетмейстерже;

Алевтина Гусева, Шернур районысо Кугу Сердыж тўвыра да каныме рўдерын художественный вуйлатышыже;

Леонид Ермаков, Советский районысо Кельмаксола тўвыра пӧрт вуйлатыше.

АЛЕВТИНА БАЙКОВА

Д.Речкинын фотожо

 

Опубликовать в Одноклассники

Добавить комментарий