Россий Федерацийын премьер-министрже Михаил Мишустин элыштына 1 март гыч колымо нерген электрон свидетельствым пуымо шотышто пунчалыш кидпалыжым пыштен.
Документ дене келшышын, Тазалык аралтыш министерстве тыгай свидетельствын ик федерал реестржым ышта. Электрон свидетельствым айдемын кумылжо почеш огыл, а обязательно оформитлат. Тазалык аралтышын увер системыштыже айдемын колымо амалжым, медицине организаций нерген тичмаш уверым ончыктат. Вараже тиде извещенийым Граждан состояний акт-влакым возымо ик кугыжаныш реестрыш, Росстатыш да моло ведомствыш колтат.
Электрон документым 1 март гыч пуаш тÿҥалыт. Колышын родо-тукымжылан свидетельстве дене нигушкат кошташ огеш кÿл. Тымарте россиян-шамыч тудын дене загсыш отметкым ыштыкташ миеныт.
М.ИВАНОВА