14 февральым шукынжо Йӧратыше-влакын кечышт семын палена да палемдена. Но тиде кече, мутлан, Германийыште психически черле-влакын кечыштлан шотлалтеш.
А 14 февраль эше – Книгам пӧлеклыме тӱнямбал кече. Тидын нерген шуэн ойлат, сандене еҥ-влакат шагал палат.
Очыни, тидын нерген уверым утларак шараш шоненак, У Торъялысе рӱдӧ библиотекыште Книгам пӧлеклыме пайремым эртареныт. Тыге библиотеке у книга-влак дене пойдаралтын. А тидыже тусо пашаеҥ-влаклан тунар огыл, кунар еҥ-влаклан, лудшо-шамычлан моткоч кӱлешан.
Л.Камалетдинова.
