Йошкар-Олаште верланыше Йоча да самырык-влакын полатыштышт «Илыше классике» россий кӱкшытан конкурсын регионысо йыжыҥже лийын.
Тушто рушла да марла прозым сылнын лудмо мастарлыкым 10-17 ияш 40 ӱдыр-рвезе ончыктен.
Сеҥышыш лектыныт:
«Классике произведений» номинаций – Ариана Хорикова (Йошкар-Оласе 11-ше №-ан лицей), Сергей Петров (Марий Турек школ);
«Кызытсе произведений» – Юлия Скулкина (Т.Иштрикова лумеш «Синяя птица» гимназий);
«Марий йылме дене прозым лудмаш» – Анна Прохорова (Шернур посёлкысо 1-ше №-ан школ), Доминика Матвеева (Марий Турек школ), Анна Денисова (Курыкмарий район Эмӓн школ)
Сеҥышыш лекше-влак Марий Элын чапшым финалыште, «Артек» всероссийский йоча рӱдерыште аралаш тӱҥалыт.
Г.Кожевникова
Фотом Марий Эл Образований да науко министерствын да Шернур посёлкысо 1-ше №-ан школын соцкылысе лаштыкышт гыч налме
