УВЕР ЙОГЫН

«Рошто шӱдыр»

Шукерте огыл Йошкар-Оласе Чайковский лӱмеш музыкальный школышто «Рошто шӱдыр» йоча творческий коллектив-влакын фестивальышт эртен.

Кажне ийын эртаралтше ты мероприятийыш тений 30 коллектив ушнен, да тудо кугу пайрем семын эртен. Нуным саламлаш республикысе Тӱвыра, печать да калык-влакын пашашт шотышто, Образований да науко, Молодежный политике, спорт да туризм министерстве-влакын, Марий митрополийын еҥже-влак миеныт. Молгунамсе семынак фестивальым «Благовест» йоча хор почын. Участник-влак тӱҥ шотышто рушарня школ-влакын тунемшышт лийыныт. Сценыште куштеныт, муреныт, модыныт, почеламутым лудыныт, кӱчык спектакльымат ончыктеныт. Тӱрлӧ семӱзгар дене шоктышо-шамычат лийыныт. Чыла участниклан дипломым кучыктеныт.

 С.Носова

Снимкыште: фестиваль годым.

Опубликовать в Одноклассники

Добавить комментарий