Йошкар-Олаште илыше Владимир Ерёминлан Марий Элын тӱҥ федеральный инспекторжо Петр Журавлёв Юл кундемысе федеральный округышто Россий Президентын полномочный представительже Михаил Бабичын кӱштымыж почеш, Россий Президент Владимир Путинын фотожым кучыктен. Тушко Владимир Владимирович шке кидпалыжым пыштен.
В.Ерёмин эргыж дене пырля «СССР ден Российын парашютный символикыже. Шочмыж гыч таче кече марте» альбом-каталогым ямдыленыт. Пӧръеҥ ик экземплярым В Путинлан колтен.
Альбомым ямдылаш вич ий каен. Тушко парашютын символикыжым ончыктышо 4 400 фотоснимке пурен. Нуным войзаш Россий мучко илыше 20 утла коллекционер дене вашлияш логалын. Тыгай шотан изданий таче кече марте СССР ден Российыштат лийын огыл.
Л.ШАБДАРОВА
