Марий Элыште илыше-шамычат Руш географический обществын увертарыме «Лейся, песня, на просторах» географический муро конкурсыш ушнен кертыт.
Тудо онлайн йӧн дене тений нылымше гана эрта. Конкурсын тӱҥ условийже – мурышто вер-шӧр лӱм лийшаш. Икмыняр номинаций темлалтеш: сольный, тӱшка дене мурымаш; авторский муро; шочмо кундем нерген муро; Сеҥымаш дене кылдалтше муро.
Йодмашым 12 май марте пуаш лиеш. Мастарлыкым участник-влакын колтымо видеозаписьышт гоч аклаш тӱҥалыт. Сеҥышыш лекше-влакым гала-концертыш ӱжыт да шергакан пӧлек дене палемдат.
Светлана Носова
