Тений «Экологий» нацпроектын «Сохранение уникальных водных объектов» федерал проектшым илышыш шыҥдарыме паша мучашлалтеш.
Ноябрь марте Оршанке районысо Изи Кугунур ял воктене йоген эртыше Ошла эҥерын пундашыжым эрыктен пытарышаш улыт. Тушто кодшо ий гычак ты паша кая. Тӱрыс пашан акше – 43,8 миллион теҥге.
Вес ийыште републикына 6 федерал проектыште участвоватлаш тӱҥалеш, иктыже «Вода России» маналтеш. Тудын дене келшышын икмыняр вӱд объектын пундашыжым эрыктышаш да серыштым пеҥгыдемдышаш, гидротехнический сооруженийым капитально олмыктышаш улыт. Чыла тидыже вӱд объект-влакын состоянийыштым, тушто илыше еҥ-шамычын илышыштым саемдаш манын ышталтеш. Эшежым нине кумдык-влак вӱд йымаке каен кертме лӱдыкшӧ кораҥдалтеш.
Светлана Носова
Снимкыште: Ошла эҥер
Фотом республикысе Пӱртӱс поянлык, экологий да йырым-йырысе средам аралыме шотышто министерствын соцкыл лаштыкше гыч налме.
