Февраль тÿҥалтыш лум чумырка гыч тÿрлö фигурым ышташ келшыше игечыж дене куандарыш. Теве Йошкар-Оласе 40-ше №-ан «Шöршудо» («Одуванчик») йочасадын кудывечыштыжат улыжат кок кечыште пеш оҥай композиций (снимкыште) шочо.
– Свежа южыш лекше ÿдыр-рвезе-шамыч кугурак воспитатель Светлана Владимировна Головкован темлымыж почеш лум чумыркала гыч хоккеист-влакын командыштым уло кумылын да ик шÿлыш дене келыштарышт, – воспитанникше-шамычым мокталтыш школ деч ончычсо шинчымашым пуымо тöнежым вуйлатыше Наталья Лаптева. – Тиде композиций тений 4-20 февральыште Пекиныште эртаралтше Теле Олимпийский модмашлан пöлеклалтын. Тудым шкежат куанен ончена, ача-ава-влакат шочшыштын оҥай пашаштлан моткоч йывыртеныт.
У коронавирус инфекций, грипп да ОРВИ эпидемий озаланыме пагытыште «Шöршудо» йочасадыш 158 йоча гыч кумшо ужашыже веле коштеш, молыжо черланымылан кöра кö мöҥгыштö, кö стационарыште эмлалтыт, кö карантиныште шинча. Туге гынат, йочасад мыняр улшо икшывыж денат веселан, тачысе кечын событийже-шамыч дене тöр ила.
– Свежа южыш лекше ÿдыр-рвезе-шамыч кугурак воспитатель Светлана Владимировна Головкован темлымыж почеш лум чумыркала гыч хоккеист-влакын командыштым уло кумылын да ик шÿлыш дене келыштарышт, – воспитанникше-шамычым мокталтыш школ деч ончычсо шинчымашым пуымо тöнежым вуйлатыше Наталья Лаптева. – Тиде композиций тений 4-20 февральыште Пекиныште эртаралтше Теле Олимпийский модмашлан пöлеклалтын. Тудым шкежат куанен ончена, ача-ава-влакат шочшыштын оҥай пашаштлан моткоч йывыртеныт.
У коронавирус инфекций, грипп да ОРВИ эпидемий озаланыме пагытыште «Шöршудо» йочасадыш 158 йоча гыч кумшо ужашыже веле коштеш, молыжо черланымылан кöра кö мöҥгыштö, кö стационарыште эмлалтыт, кö карантиныште шинча. Туге гынат, йочасад мыняр улшо икшывыж денат веселан, тачысе кечын событийже-шамыч дене тöр ила.
М.ИВАНОВА