Марий Элыште пытартыш суткаште у коронавирус инфекций дене черланыме эше 43 у случайым регистрироватлыме. COVID-19 дене инфицироватлалтше-влак радамыш ты гана 50 гыч 64 ияш марте 16 еҥ логалын, 30 гыч 49 ияш йотке – 10 граждан, 65 ий деч кугурак – 10 илалше, 7 гыч 14 ияш марте – 3 икшыве, 1 гыч 6 ияш марте – 1 йоча. 12 черлым стационарыш эмлалташ пыштыме.
Пандемий тӱҥалме пагыт гыч 27 май марте республикыштына у коронавирус инфекций дене черланыше 1602 еҥым – 677 пӧръеҥ ден 925 ӱдырамашым – рашемдыме.
42 процент пациентын черже куштылго формо дене эрта, 29 процент еҥын тазалыкшым врач-шамыч «нелылыкын кокла йыжыҥже» семын аклат, 4 процент черле неле состоянийыште. Инфицироватлалтше чырык ужаш еҥ черланымыжым огеш шиж гаяк.
Эпидемий тӱҥалме пагыт гыч 27 май йотке республикысе СПИД-рӱдерын да Гигиене да эпидемиологий рӱдерын лабораторийлаштышт коронавируслан 39191 шымлымашым эртарыме.
Кызыт 1402 еҥым медицине велым эскерат, ты чот гыч 29 граждан шукерте огыл йот эл гыч пӧртылын, 1373 еҥ коронавирусан черле дене кылым кучен. Регистраций гыч 8236 гражданым кораҥдыме.
Пандемий тӱҥалме пагыт гыч 27 май марте республикыштына у коронавирус инфекций дене черланыше 1602 еҥым – 677 пӧръеҥ ден 925 ӱдырамашым – рашемдыме.
42 процент пациентын черже куштылго формо дене эрта, 29 процент еҥын тазалыкшым врач-шамыч «нелылыкын кокла йыжыҥже» семын аклат, 4 процент черле неле состоянийыште. Инфицироватлалтше чырык ужаш еҥ черланымыжым огеш шиж гаяк.
Эпидемий тӱҥалме пагыт гыч 27 май йотке республикысе СПИД-рӱдерын да Гигиене да эпидемиологий рӱдерын лабораторийлаштышт коронавируслан 39191 шымлымашым эртарыме.
Кызыт 1402 еҥым медицине велым эскерат, ты чот гыч 29 граждан шукерте огыл йот эл гыч пӧртылын, 1373 еҥ коронавирусан черле дене кылым кучен. Регистраций гыч 8236 гражданым кораҥдыме.
М.ИВАНОВА
