Апрельын икымше рушарнянже мемнан элыште Геологын кечыже палемдалтеш.
Пӱртӱс поянлык, экологий да йырым-йырысе средам аралыме шотышто министерствын геологий службыжын увертарымыж почеш, тачысе кечылан Марий Элыште мланде поянлыкым аралыше 900 кумдык уло. Чылаже 16 тӱрлӧ минеральный сырьём мландывомыш арала: гипсым, карбонат породым, известкам, цементым, ошмам, йошкар рокым, сапропельым, эмлыме лавырам, йӱаш йӧрышӧ да минерал вӱдым да молымат.
2018-2024 ийлаште кумдан палыме мланде поянлыкын 206 миллион тонн улмыжым рашемдыме. Ты пагытыште 17,6 миллион кубический метр кугытым лукмо, тидлан кӧра налогыш 152,5 миллион теҥге пурен.
Снимкыште: ошма карьерыште
Авторын фотожо.
