Шукерте огыл мемнан республикыш Россий телевиденийын икымше каналжын «Поехали» передачыжын съемочный тӱшкаже толын коштын.
Вӱдышыжӧ-влак Мария Осадник ден Евгений Покровский ты гана Марий Элым ойырен налыныт. Кум кече жапыште Йошкар-Олаште, кумыс фермыште, Шернур сыр заводышто лийыныт. Тидын годым мом да кушто сайынрак кочкаш лийме сюжет-влакым ямдыленыт. Пытартыш кечын нуно Козьмодемьянскыште лийыныт: Ильф ден Петровын «12 стульев» романже гыч персонаж-влакын костюмыштымат чиен онченыт. Кава йымалысе этнографий тоштерым ончал савырненыт, кӱсле денат шоктеныт. Передече эфирыш тылзе гыч лекшаш.
Ончыктен кодыман, пытартыш жапыште марий калык кочкыш дене палдараш кумылан Россий телевиденийын съемочный тӱшкаже икмыняр гана толын каен.
С.Носова
Снимкыште: «Поехали» каналын вӱдышыжӧ-влак – Йошкар-Олаште.
