Мемнан-влак – теле гимназиадыште
7-11 декабрьыште Ижевскыште тунемше ден студент-влак коклаште всероссийский Теле гимназиаде эртен.
Эстафетыште ӱдыр, тыгак рвезе-шамыч коклаште Марий Элын командыже 2-шо вер дене палемдалтын. Икымше – Пошкырт кундем гыч спортсмен-влак.
Чыла команде-влак коклаште «Виктория» СШОР-ын сборныйжо спорт ориентированийыште, тыгак ече дене таҥасымаште ший медальын озаже лийын. Чылаштымат шокшын саламлена.
