СПОРТ

Тӱнямбалне – кумшо

Марий Эл гыч мотогонщик Д.Золотов Грузийыште эртыше тӱнямбал кӱкшытан таҥасымаште («Hard Enduro Tbilisi») бронзо призёр лийын.

Участник-влак кум кече вийыштым тергеныт. Икымше кечын пырня, тошто да шаланыше машина дене ыштыме чаракым, трамплиным сеҥен кудалаш тыршеныт. Тушто Дмитрий, камвочмыжлан кӧра, кандашымше веле лийын. Кокымшо кечын тудлан кумшо верыш лекташ моткоч тыршашыже логалын. Шуко тура курыкым кӱзен-волыман, эҥерлам вончыман (чылаже 65 км) улмаш. Кумшо кечын палемдыме дистанцийын кужытшо 90 километр лийын. Адакат верысе неле вер-шӧрым писын эртыман. Ты гана землякна нылымше верым налын.

Чыла кечысе очкожым иктыш ушымеке, мотогонщик кумшо верыш лектын.

Палаш уто огыл: кок ий ончыч тыгай сынан таҥасымаште Дмитрий Золотов икымше лийын.

Е.ЭШКИНИНА.     

Опубликовать в Одноклассники

Добавить комментарий