СПОРТ

Куржталыныт, вий-куатым тергеныт

14 октябрьыште Куяр посёлко воктене ечызе-влакын кроссышт, Марий Элын чемпионатше ден первенствыже, эртеныт. Тушко регионнан тӱрлӧ кундемже, тыгак пошкудо Чуваш, Мордва республикла, Киров область гыч чылаже 250 утла кумылан спортсмен чумырген. Стартыш, ийготым шотыш налын, тӱшка дене лектыныт.

Ты кечын шыже игечыжат мотор лийын, участник-влаклан корныжымат сайын ямдыленыт. Ийготым шотыш налын, икмыняр тӱшка стартым пуэныт.

Шке тӱшкаштышт сеҥыше ден призёр-шамычым Молодёжный политике, спорт да туризм министерстве медаль да Чап грамот дене палемден.

Ӱдырамаш-влак коклаште ончыко Чуваш Республик гыч М.Ведяшкина, кокымшыш А.Романова («Виктория» СШОР), кумшо верыш М.Макарова («Виктория» СШОР) лектыныт. Пӧръеҥ-влак коклаште эн тале С.Егоров лийын («Виктория» СШОР). Кокымшо верым ты школ гычак Н.Васильев, кумшо верым Д.Этюев («Динамо») налыныт. Моло тӱшкаште икымше верыш М.Козлова (Волжский), А.Васильев (Волжский район), А.Соловьёв (Шернур район), М.Васильева, П.Стрелец («Виктория»), К.Прозоров, А.Сафронова, В.Балуев (Мордовий, МРМТ), И.Соловьёва («Виктория», МРМТ) лектыныт. 

Ты чемпионат годым эн оҥайже: курыкыш ошман корнышто 70 метрым ече дене кӱзымаш. Тыгай мероприятийлан тӱҥалтышым ече спортын энтузиастше В.Гаврилов ыштен. Тиде шкешотан стартыш кок тӱшка лектын.

Абсолютный сеҥышыш И.Соловьёва, 21 ияш марте участник-влак коклаште А.Шабалин, кугурак ийготан-шамыч коклаште А.Богданов лектыныт.  Икымше верыш лекшылан келшыше пӧлекым шканыштак ойырен налаш йӧным пуэныт.

Е.Эшкинина.

 

Опубликовать в Одноклассники

Добавить комментарий