Марий Эл гыч самырык интеллектуал-влакын командышт Знание.Игра турнирын финалышкыже лектыныт.
24 июньышто Москваште, «Россия» национальный рӱдерыште, элнан 36 регионжо гыч 75 команде школ ден колледжысе студент-влак коклаште спорт дене «Мо? Кушто? Кунам?» конкурсын пытартыш йыжыҥыштыже таҥасаш тӱҥалыт. Нунын радамыште Марий Эл гыч 4 команде лиеш. Тиде Йошкар-Оласе 11-ше №-ан лицейыште, Т.В.Иштрикова лӱмешщ «Синяя птица» гуманитарный гимназийыште, Политехнический лицей-интернатыште да М.В.Ломоносов лӱмеш лицейыште тунемше-влак. Моло дене пырля нуно чемпионатын абсолютный сеҥышыже лӱмым налме верч таҥасат. Эн сай результатым ончыктышо 9 командым призёр семын палемдат.
Г.Кожевникова
Фотом Марий Эл Образований да науко министерствын соцкылысе лаштыкше гыч налме
