Советский район Ӱшнур кыдалаш общеобразовательный (национальный) школышто Марий образований институтын полшымыж дене «Марла лудам, марла возем – уш-акылем пойдарем» республик кӱкшытан этнокультур батл эртен.
Марий тиште кечылан пӧлеклалтше мероприятийын тӱҥ шонымашыже – марий йылмым арален вияҥдымаш.
Батлыш погынышо команде-влак куд заданийым шуктеныт, тидын деч вара «Марий йылмыш кусарымашын ойыртемже» конкурс лийын.
Мероприятий кышкарыште профессор, филологий науко доктор А.Куклин лӱмеш марий йылме кабинетым почыныт.
Г.Кожевникова
Фотом Марий Эл Образований да науко министерствын сайтше гыч налме
