УВЕР ЙОГЫН

Социальный вияҥмаш министерстве калыкын тӱрлӧ йодышышыжым рашемда

2017 ийын икымше пелыштыже Марий Элын Социальный вияҥмаш министерствыштыже 4338 еҥ тӱрлӧ йодышым рашемден. 

Кодшо ий тыгаяк жап дене таҥастарымаште тиде чот 0,8 процентлан (35 обращенийлан) иземын. Тыгодым возыман обращений 21 процентлан (136 обращенийлан) ешаралтын, устный – 2 процентлан (101 обращенийлан).

Калыкын чумыр обращенийже гыч министерстве 3169 еҥлан келшен толшо умылтарымашым пуэн, 734 йодмашым шуктен. Но 1июльлан эше 32 обращенийым ончашыже кодын.

Обращений-влакым иктешлаш гын, калык тӱҥ шотышто социально обслуживатлыме да социальный услуго-влакым пуымо кумдыкышто кызыт вийыште улшо законодательствым, посна тӱшкаш пурышо граждан-шамычын илыме йӧныштым саемдыме йодыш-влакым рашемда, тыгак материальный полышым йодеш.

М.ИВАНОВА. 

Опубликовать в Одноклассники

Добавить комментарий