Йылмым, историйым да сылнымутым шымлыше В.М.Васильев лӱмеш марий институтын вӱдышӧ шанчыеҥже Сергей Свечниковын монографийже ош тӱням ужын.
Тудо «Этнические контакты мари с народами Среднего Поволжья в XV–XVII вв.» маналтеш. Сергей Константинович ятыр ий Юл кундемысе калык-влакын этнографий историйыштым шымла. Тидын шотышто тудо 100 утла шанче пашам возен. Пытартыш коклаште «История и культура народов Республики Марий Эл» научно-популярный савыктышым ончыктыман. Тыгак тудо институтын шанчыеҥже-влакын тӱшкан ямдылыме «История Марий Эл с древнейших времён до начала ХХ века» ден «История Йошкар-Олы» монографий-влакын соавторжо.
Снимкыште: Сергей Свечников
Фотом институтын воткыл лаштыкше гыч налме.
