Марий самырык тукымын XIV всероссийский слётшым тений Марий Турек районысо Сардаялыште 8 гыч 13 июль гутлаште эртараш палемдыме.
Тушко Марий Эл гыч веле огыл, Российын тӱрлӧ кундемыштыже илыше 14 гыч 30 ияш марте марий ӱдыр-рвезе-влак ушнен кертыт. Тидлан 1 июнь марте «Молодежь России» увер системыште (https://myrosmol.ru/auth/registration) регистрацийым эртыман. Иктешлымаш сайтыште 20 июнь марте пале лийшаш.
Тений слётын организаторжо-влак радамыште Марий Элын Тӱвыра, савыкташ да калык паша шотышто, Самырык политике, спорт да туризм ден Туныктыш да шанче министерстве-влак, Марий Турек районысо администраций, Мер Каҥаш, Марий калык конгресс, «ВийАр», «Эр вий» ушем-влак улыт.
С.Носова
