«МАРИЙ ЭЛ» ТАЧЕ

Марий рӱдола парадлан ямдылалтеш

Вашке Кугу Сеҥымаш кече шуэш, Кугу Отечественный сар пытымылан тений 77 ий темеш.  Йошкар-Олаште элнан ик эн тӱн кугу пайремжылан ямдылташат тӱҥалыныт.

Вӱргечын Оболенский Ноготков лӱмеш площадьыште шушаш парадын икымше репетицийже эртен. Тушто участвоватлышашлык военнослужащий, силовой структурын пашаеҥже, кадет класслаште тунемше-влак духовой оркестрын  да барабанщик-влакын шоктымышт почеш строй дене ик семын ошкылаш «тунемыныт».

Вес тыгай тренировко ты кугарнян  лиеш. Тидлан кӧра 14 шагат гыч 17 шагат марте Первомайский урем гыч Советский урем марте транспортлан кошташ чарат. Тыгай чарак 25, 27, 29 апрельыштат тынар жапыштак лиеш. Сандене олаш машина дене лекме годым тидым шотыш налман. Тидын дене пырля 6 шагат эр гыч 18 шагат кас марте Гоголь урем гыч Ленин проспект марте  Волков урем кумдыкышто, тыгак Комсомольский урем гыч Шкетан лӱмеш театр ончылысо автомобиль стоянкымат петырат.

Ушештарен кодыман, кодшо ийын парад онлайн йӧн дене эртен. Туге гынат тушто 1600 наре участник лийын. Тений тудым шке шинча дене угыч ужаш лиеш.

С.Носова

Снимкыште: парадын икымше репетицийже эрта.

В.Поликарповын фотожо

Опубликовать в Одноклассники

Добавить комментарий