Йошкар-Олаште Марий паркым умбакыже тӱзатен толмо проект «Служение» III всероссийской муниципальный премиийын кумшо этапышкыже эртыме нерген возенна ыле.
Тушто тудым у номинацийын спискышкыже – «Единство народов – сила страны» пуртеныт. Премийын организаторжо-влак тушко калык-влак кокласе кылым пеҥгыдемден толмо шотышто эн сай практик-влакым чумыреныт. 2 март гыч «Госуслуги» порталыште тидын шотыштак калык йӱклымаш тӱҥалын. Айста Марий парклан эшеат сылнырак лияш полшена да тудлан шке йӱкнам пуэна.
Тыгак премийлан темлымаш-влакым Верысе кучемым вияҥдыше всероссийский ассоциацийын эксперт комиссийже Национальность-влакын пашашт шотышто федерал агентствын еҥже-влак дене пырля аклаш тӱҥалеш.
Светлана Носован фотожо.
