Марий Эл республикна «Сеҥымашын инженерже-влак» тӱнямбал проектын эстафетышкыже ушнен.
Тудын тӱҥ шонымашыже – Кугу Отечественный сар жапыште совет инженер, конструктор, разработчик, тыгак науко организаций ден промышленный предприятийлан пашаче ешыштын подвигышт дене палдараш.
15 апрельыште Йошкар-Олаште верланыше М.В.Ломоносов лӱмеш лицейыште йоча да туныктышо-влак дене вашлиймаш эртен. Лектор семын тушко «ЗПП» АО-н, Йошкар-Оласе тоштерын, республикысе Кугыжаныш архивын пашаеҥже-влакым ӱжыныт. Нуно кундемнан сар жапысе илышыже – промышленный предприятий, эвакуаироватлалтше-влак, тылыште тыршыше да фронтышто геройла кредалше-влак – нерген каласкаленыт.
Г.Кожевникова
Авторын фотожо
