УВЕР ЙОГЫН

Рӱдола: таче да эрла: Ош тӱняште – куд ий

Калыкым социально обслуживатлыше комплексный рӱдер пелен пашам ыштыше самырык инвалид-влакын «Преображение» клубышт Йошкар-Олан музейыштыже шочмо кечыжым палемден. 

Мероприятийыш 12 еҥ толын. Нуно «Йошкин кот» пу пырысым чиялтен сӧрастарыме шотышто мастер-классыште участвоватленыт, а ӱстелтӧрыштӧ чайым йӱын шинчыме годым фокусникын выступленийжым онченыт.

18 гыч 30 марте ийготан инвалид-влакым ушышо «Преображение» клуб 2011 ий октябрьыште пашам ышташ тӱҥалын. Тудын тӱҥ цельже самырык инвалид-шамычлан икте-весе дене мутым вашталташ, тыгак усталыкыштым вияҥдаш келшыше йӧным ыштыме дене кылдалтын. Клуб лачшымак рӱдерыш толшо-влак дене веле огыл, Интернет гочат пашам ышта.

М.ИВАНОВА.

Опубликовать в Одноклассники

Добавить комментарий