15-20 июльышто Пошкырт кундем Благовещенск олаште марий йылме лагерь эртен.
Тудын организаторжо-влак Наталья Венина, Лариса Арламова ден Ирина Тойгильдина лийыныт. Тений лагерьыш Москва, Санкт-Петербург, Йошкар-Ола, Екатеринбург олала, Ленинград кундем, Киров область, гыч кумылан-влак чумыргеныт. Нуно чыланат марий йылмым тунемаш, марий тӱвырам лишкырак пален налаш кумылан лийыныт. Участник-влак Мишкан селасе Марий историй да тӱвыра рӱдерыштат лийыныт. Ты рӱдер марий калыкын йылмыжым, тӱвыражым, йӱлажым, ыштыш кучышыжым арален, вияҥден толмо пашам шукта. Каласен кодыман, Пошкырт кундемыште 84,9 тӱжем марий ила. Чылаже 240 марий ял уло.
Снимкыште: лагерьыш ушнышо-влак.
Фотом рӱдерын воткыл лаштыкше гыч налме.
