«МАРИЙ ЭЛ» ТАЧЕ

«Марий еш пиал»

Марий Элыште «Марий еш пиал» сӱрет конкурс увертаралтын.

«Интеллектуал» тӱвыра-увер рӱдер «Добрая Марий Эл» поро кумылым ончыктышо организацийын полшымыж дене Россий президент фондын ойырымо грантше кӱшеш эртара.

Тушко 3 гыч 18 ияш марте ӱдыр-рвезе-влак, нунын ача-авашт ушнен кертыт. Вашкыза, анкетым 25 январь марте гына налыт. Фотоконкурс «Шочмо йылме авай дене пырля»  культурно-просветительский проект кышкарыште эрта. Тудын тӱҥ шонымашыже – самырык-влакым ешым йӧраташ, еш йӱлам шотлаш да шуяш туныкташ.

Конкурсыш ушнаш шонышо-влак ончыч анкетым возышаш улыт. Сӱретыште марий шӱлыш озаланышаш. Кажныштыже марий йылме дене сай тыланымашым вераҥдыман.  Варажым паша-влакым ончерыш чумырат. Тудо онлайн да офлайн йӧн дене рӱдер  да «Арслан» этнокультурный интернет журнал негызеш этноунагудо  семын эртаралтеш. Эн сай сӱрет-влакым открыткым, тетрадьым, блокнотым моло полиграфий сатум сылнештараш кучылташ тӱҥалыт. Ойыртемалтше паша-влакын авторыштым диплом да шарнымашан пӧлек дене палемдат.  

С.Носова 

Опубликовать в Одноклассники

Добавить комментарий