«МАРИЙ ЭЛ» ТАЧЕ

Кол модаш тӱҥалеш

Куйбышев водохранилищын Марий Элыште верланыше кумдыкыштыжо промышленный да любительский амал дене колым кучымо пашам саемдаш манын, вӱдысо биологий ресурс шапашым кугемдыме паша шукталтеш.

Марий Элын Пӱртӱс поянлык, экологий да йырым-йырысе средам аралыме шотышто министерствыжын специалистше-влак коллан мӧртньым кышкаш 13 тӱжем искусственный верым келыштареныт. Нуным иман пушеҥгын уалаж дене ямдылат да вӱдыш 1,5 метр келгытыш вераҥдат. Мӧртньӧ гыч кол лийын шумеке, чыла уам вӱд гыч кораҥдат.

 Ты паша РФ субьект-влакын бюджетышкышт федеральный бюджет гыч ойырымо субвенций кӱшеш вораҥдаралтеш.

С.Носова

Опубликовать в Одноклассники

Добавить комментарий