Сочи оласе «Сириус» тунемме рӱдерыште эртыше Россий кӱкшытан конференцийыште Марий Эл гычат делегаций (снимкыште)лийын.
2023 ийыште «Образований» национальный проектын «Кызытсе школ» федерал проектше почеш Йошкар-Олаште верланыше Бауман лицейыште «Сириусын» модельже почеш талантан йоча-влаклан рӱдерым почаш палемдыме. Конференцийын тӱн шонымашыже – Сочи оласе тунемме кумдыкын паша опытшым ончыкташ, тудым варажым регионлаште кучылташ.
Марий Эл образований да науко министр Л.Ревуцкаян каласен: «Регионысо у рудер – республикыште илыше талантан йоча-влаклан моштымашыштым вияҥдаш эше ик площадке. Тушто кум направлений лиеш: науко, спорт да искусство».
Г.Кожевникова
