21 декабрьыште Республикысе курчак театрыште, Марий Элым вуйлатышын У ий ёлкыштыжо, Юрий Зайцев специальный военный операцийын участникше-влакын йочаштлан – 200 утла ӱдыр-рвезылан – у ий пӧлекым кучыктен.
Икшыве-шамычым саламлымыж годым тудо палемден: «Шушаш У ий дене тендам саламлем да каласынем: ачада-влак Российын чын геройжо да патриотшо улыт».
Юрий Зайцевын мутшо почеш, тудын тӱҥалтышыж почеш, Марий Элыште «Йоча-влаклан марий теле» проектым илышыш пурташ тӱҥалме. «Кызытак тӱрлӧ конкурсыш ушнен кертыда, тидын деч посна ятыр спектакльым, концертым, мастер-классым ончаш йӧн уло», – каласен регионым вуйлатыше.
Марий Элым вуйлатышын У ий ёлкыжо республикыште 23 декабрь марте эртат. Тушто чумыр налмаште кундемыштына илыше 1000 утла икшывым – специальный военный операцийын участникше-шамычын йочаштым – саламлат.
Марий Эл вуйлатышын администрацийжын информаций паша пӧлкажын уверже негызеш Г.Кожевникова ямдылен.
Д.Речкинын фотожо
