«Моско Мари» всемарийский этно-эстрадный хор «Тиде Марий Эл» муро дене сеҥышыш лектын.
«Матрёшка» йоча, самырык да кугыеҥ-влакын усталык тӱнямбал фестивальыштышт Агата Симоран вуйлатыме коллективше 1 степенян лауреат лӱмым налын. Ӱдыр-влак поэт Василий Гороховын мутшылан возымо «Тиде Марий Эл» мурым (семым Владислав Куприянов келыштарен) олыкмарла йоҥгалтареныт.
Куан увер нерген Агата Симоран «Йӱк» тӱвыра-продюсе рӱдерын соцкылже гыч пален налынна.
Л.СЕМЕНОВА
Фотом «Йӱк» тӱвыра-продюсе рӱдерын соцкылже гыч налме
