28 ноябрьыште, кугарнян, 19:00 шагатлан Марий Эл Республикым Вуйлатыше Юрий Зайцевын вияш линийже тӱҥалеш.
Регион вуйлатыше эфирыште граждан-влакын йодышыштлан да ӱжмашыштлан вашешта.
Вияш линий республикыште кажне илышылан регион Вуйлатыше дек вик лекташ, тургыжландарыше йодышым пуаш да тӱрыс вашмутым налаш йӧным ышта. Юрий Зайцев утларак кӱлешан темым шкеак рашемда, улшо нелылыкым кораҥдаш мом ышташ кӱлмӧ нерген ойла.
Вияш линийын трансляцийже «Россия 24», ОТР да МЭТР телеканаллаште, «Россий Радио» радиостанцийын эфирыштыже да Юрий Зайцевын ВКонтактысе шке лаштыкыштыже (https://|vk.com/yvzaitsev) каяш тӱҥалеш.
Юрий Зайцев республикыште илыше-влакым вияш линийыш ушнаш ӱжын.
«Республикыште илыше-влак дене мӧҥгешла кыл мыланна кӱлешан, вет лачак тудо мемнан пашанам аклен ончыкта. Мый тыге шотлем: тура да чон почын мутланымаш – регионым пайдалын вуйлатымаште, еҥ-влакын илышыштым саемдымаште да тургыжландарыше йодышым шуктымаште кӱлешан йӧн», – палемден регион Вуйлатыше.
Йодыш-влакым социал вотлаште Юрий Зайцевын шкенжын лаштыкысе пост йымалне умылтарымашлаште кодаш, vopros_rme@mail.ru почтыш але Мӧҥгешла кыл платформо гоч колташ лиеш.
