Йошкар-Олаште 8 апрельыште эртыше икымше субботникыш тӱжем утла еҥ лектын.
Мутлан, ТСЖ-н да ЖСК-н, моло компанийын управляющийышт-влакын вуйлатымышт почеш ола уремым эрыкташ 460 пашаеҥ лектын, 10 технике пашам ыштен, 200 утла мешак шӱкшак-куштырам погымо. Тыгак, вашкерак шулыжо манын, лумым тарватылыныт. Субботник эртен гынат, «Ола» МУП-ын пашазыже-влак яра огыт шинче: корно тӱрысо газонлаште кодшо лумым кышкат, погымо шӱкшакшак кажне кечын кок трактор тележке погына. Ошма дене варналтше 350 тонн лавырам ола гыч икмыняр кечыште шупшыктымо.
Изи Какшан серыштат паша шолеш. Кок сер мучко чылаже 100 армированный урным вераҥдат, тӱжвал тӱсышт кайышыжым чиялтат. Ола мучко эртыме годым уремлам ӱштшӧ -влакым ужаш лиеш, теве Рӱдӧ кӱварын кӱртньӧ печыжым мушкыт – тугеже май пайремлан рӱдолана ару лиймылан ӱшан уло.
Йошкар-Олан администрацийже чыладам шушаш кугарнян, 15 апрельыште, кокымшо субботникыш лекташ ӱжеш.
Л.СЕМЕНОВА
М.Скобелевын фотожо
