Звениговышто верысе мӱкшызӧ-влакын тӱшка погынымашышт эртен.
Мӱкшызӧ-влак эртыше ийысе пашам иктешленыт. Район администрацийын ялозанлыкым вияҥдыме секторжым вуйлатыше Ирина Кириллован мутшо почеш, кочкыш продукцийым ямдылыме кугыт шот дене Провой вел республикыште визымше верым айла. Мӱкш ончымо пашам налаш гын, тыште 109 пчеловодым регистрироватлыме, нунын 1510 мӱкш ешышт уло.
Мӱкшызӧ-влакым тургыжландарыше йодышым каҥашыме – пасулашке аярым шавыме годым тӱшка ден фермер озанлык-влак чот шекланышаш, вашкылым утларак пеҥгыдемдышаш улыт.
Звенигово ветстанцийын начальникше Николай Петров пайдале кажне насекомый ешым маркироватлаш кӱлмӧ, чыла отарлан паспортым ыштыме, ветобслуживаний дене авалтме нерген ойлен. Мӱкшызӧ-влак районысо ушемым вуйлаташ уэш Максим Потачкинлан ӱшаненыт.
