Ушештарена
Лӱдыкшыдымын да оҥайын
Шокшо кече толмо да колым кучымо сезон тӱҥалме дене «Мариэнерго» филиал вӱд воктене канаш кумылан-влаклан электролӱдыкшыдымылык правилым шотыш налаш темла.
Вӱд воктене канышыла, электровий дене кылдалтше лӱдыкшӧ нерген мондымо ок кӱл. Колым кучымо годым азап лийме деч утлышашлан тыгай правилым шуктыман:
– электролиний да моло энергообъект лишне колым ида кучо;
– электроустановко лишне улшо шижтарыше знакым шотыш налаш ида мондо;
– начар игечыште, поснак кӱдырчан годым, колым эҥыр дене ида кучо;
– электролинийым тӱкен, электроток дене эҥгекыш логалаш огыл манын, эҥыртоям кӱш нӧлтен ида ошкыл, а погалтен але ӱлык ыштен коштыктыза;
– электролиний але энергообъект дене кылдалтше экшыкым ужыда гын, энергетик-влакын шокшо линийышкышт 8-800-220-0-220 телефон дене кече мучко кеч-могай жапыште йыҥгыртыза, тидлан окса ок кучалт.
Нине тыглай правилым шуктымо дене эҥгек деч утлен, шкендан канышдам лӱдыкшыдымым ыштен да оҥайын эртарен кертыда.
Юрий ИСАКОВ.
Тиде шарныктышыште возымымат шотыш налза.
Шарныктышым «Мариэнергон» пресс-службыж деч налме.
