Санкт-Петербургышто, «Профессионалитет» федеральный проект почеш эртаралтше «Профессионал-влак» профессионал мастарлык чемпионатын финалыштыже, Марий Эл гыч спикер лийын.
Тиде – Юл кундем кугыжаныш технологий университетын Йошкар-Оласе аграрный колледжын директоржо Геннадий Богданов. Тудо паша программын кокымшо кечынже «СПО-н лидерже-2023» Мер-профессионал премийын сеҥышыже-влак деч сеҥымашыш шушо практик-влак» экспертный питч-сессийыштыже спикер лийын. Геннадий Владимирович погынышо-влаклан «Т Плюс» ПАО-лан шокшо- да электроэнергетике дене кадрым ямдылыме сферыште ӱшанле партнёр» кейсым ончыктен, лектышым кондышо паша опыт дене палдарен.
Г.Кожевникова
Фотом Йошкар-Оласе аграрный колледжын сайтше гыч налме
