Йошкар-Оласе медицине колледжын преподаватель ден студент-влак коллективыштын театр студийышт Санкт-Петербургышто сымыктыш да усталык аланыште эртыше «Пробуждение» конкурс-фестивальыште 1-ше степенян диплом дене палемдалтын.
Конкурсым «XXI курымын еҥже-влак» поро кумыл фондын полшымыж дене «MUSIC media» концерт-продюссер рÿдер, «Наследие» тÿнямбал рÿдер да «Премьере» усталык ушем организоватленыт.
Медколледжын коллективше наставник-директорын алмаштышыже О.Козлован вуйлатымыж почеш «Театр» номинацийыште Н.Гогольын «Ревизор» комедийжын мотивше почеш спектакльым модын ончыктен.
М.ИВАНОВА
