Кажне пел ийыште «Марий Эл» ден «Сурт-пече» газет-влаклан возалтше йолташна-шамычлан лотерейым эртарена. 21 январьыште 2025 ийын икымше пелыжлан возалтше лудшына-влакын «Марий Эл» газет редакцийыш колтымо 290 квитанцийышт негызеш йӱлаш пурышо лотерей эртаралте. Приз-шамычым редакций пашаеҥ-влак шке ямдыленна, спонсор-шамычын полышыштланат эҥертенна. Ты гана тӱҥ приз – «Амарис» мебель салонын (вуйлатышыже – Ольга Аптышева) 5000 теҥгеаш сертификатше – Кужэҥер районысо Визым ялыште илыше Елизавета Никифоровалан логалын. Тудын дене ямде арверым налын але илыме вержылан келшыше мебельым заказатлен кертеш.
Моло приз-влак нине лудшына-шамычлан логалыныт:
изи газ баллон ден тулым ылыжташ зажигалке – Маргарита Геннадьевна Тойшевалан (Знаменский посёлко);
леведышан каструль – В.Н. Никифоровалан (Морко район. Кугу Шӱргӧ);
кӱэшташ формо набор – Римма Максимовна Еремеевалан (Параньга посёлко);
кофеварке – Зинаида Алексеевна Лазаревалан (Волжский район, Нуршари ял);
меринос урлык шорык меж гыч пидме наколенник – Валерий Васильевич Волковлан (Шернур район Тамшэҥер ял);
электрон виса – Н.И.Небогатиковалан (У Торъял район Токтарсола ял);
ванныйлан штор – Лариса Никандровна Алмаметовалан (Шернур район Кондрачи ял);
кум салатнице – Виктор Иванович Лопкинлан (Параньга район Кугу Пумарий села );
кӱварваке шындыме виса – Андрей Иванович Копаевлан (Шернур район Нурсола ял);
мончаш пурымо годым чийыме упш, пиж – Анна Александровна Березиналан (Шернур район Марисола села);
кум литр мӱй – Любовь Юрьевна Сергеевалан (Морко район Изи Кушна ял);
шампунь – Елена Вячеславовна Васильевалан (Волжский район Йывансола ял);
вич килограмм гыч сакырложаш – Наталья Максимовна Гороховалан (Шернур район Лажъял) ден Константин Петровлан (Морко посёлко);
кид мушмо вишкыде шовын ден вургем мушмо порошок – Никандр Васильевич Сандаковлан (Шернур район Торешкӱвар ял);
термокружка – Л.Н.Мустаевалан (Шернур район Мустай ял);
шагат – Зинаида Павловалан (Морко район Тыгыде Морко ял);
алмаз мозаике – Николай Яковлевлан (Морко район Шеҥше села);
понар – Елизавета Игнатьевалан (Морко район Токперде ял);
«Марий Эл» газет редакцийын книга наборжо – Светлана Васильевна Дубининалан (Оршанке район Марий Ернур ял), Мария Харитоновна Вшивцевалан (Шернур район Лажъял ял), Анна Александровна Степановалан (Волжский район Купсола ял), Геннадий Ефимовлан (Морко район Сап Унчо ял), Галина Николаевна Волковалан (Советский район Ушнур села);
муным пышташ ате – Зоя Егоровна Сидоровалан (Волжский район Ярамарий ял);
«Марий Эл» увер агентстве деч блокнот, ручка набор – Светлана Владимировна Иванова (Кужэҥер район Коҥганур ял) ден Валерий Григорьевич Виноградовлан (Параньга район Памашъял );
зонт –Леонид Шарифович Кондратьевлан (Морко район Шлань ял);
шуруповёрт (спонсоржо – «Мастар мари» ООО, генеральный директоржо – Борис Апакаев) – Лидия Викторовна Ерослановалан (Советский район Кельмаксола ял).
Пагалыме лудшына-влак, модылтшо чыла приз газет редакцийыштына кия. Адресна: Йошкар-Ола, СССР Вооружённый Вийын 70-ше идалыкше урем, 20. Нуным налаш толаш тарваныше кажне еҥ ончылгоч +7 (836) 249-55-11 номеран телефон дене йыҥгыртен кертеш. Газетым лудшо йолташ-влак, шкат ужыда, марий газет-шамычлан возалташ пайдале: ме, редакцийын пашаеҥже-влак, тендам тӱрлӧ увер дене палдарыме деч посна эше пӧлек дене куандарена. Сандене налза, лудса «Марий Эл» ден «Сурт-пече» газетлам!
Евгений Садовин
Михаил Скобелевын фотожо
