Пошкырт кундемысе Мишкан район Чорай селаште лӱмлӧ марий писатель, поэт, кусарыше, этнограф Яныш Ялкаевич Ялкайн лӱмеш историй да краеведений тоштерым почыныт.
Марий йӱла почеш тушко толшо уна-шамычым мелна да пура дене вашлийыныт. Верысе «Селвий» вокальный ансамбль кумылым нӧлтен. Вара нуным поэтлан шындыме памятник воктеке ӱжыныт, пеледышым пыштеныт. Йошкар тасмам пӱчмеке, чыланат тоштерыш эртеныт. Тидын нерген районысо «Дружба» газет увертара.
Светлана Тоймурзинан фотожо.
