МЕР ИЛЫШ ДА ЙӰЛА

Куш каяш, мом ончаш?

Марий Элыште тенийлан событий календарь ышталтын.
Тушто 2024 ийыште эртарышаш тӱрлӧ мероприятий коклаште икмынярже марий калыкнан йӱлаж дене кылдалтын. Мутлан, 10 июньышто Курыкмарий район Сухин ялыште «Пеледыш айо», 15 июньышто Йошкар-Олаште Пеледыш пайрем лийыт.
Поро йӱлаш пурышо мероприятий-шамычымат ушештарыман. 30 июньышто Килемар районысо «Раздолье» турист комплексыште «Акпатыр» оперым пӱртӱсыштӧ ончыктат.
6 июльышто Медведево посёлкысо ипподромышто «Сабантуй» пайрем эсогыл федерал кӱкшытыштӧ татар-влакым веле огыл чумыра. Козьмодемьянскыште «Бендериаде» мыскара да койдарчык фестиваль 20 июльлан палемдалтын. 2-3 августышто Волжск оласе Руш Олыкъялыште бард А.Баранов лӱмеш сылнысем фестивальыш вучат. 6-10 августышто Йошкар-Оласе Марий паркыште пу гыч пӱчкедыше мастар-влакын «Марий калыкын легендыже-влак» фестиваль-конкурсыш ушнаш йӧн лиеш.
С.Носова

Опубликовать в Одноклассники

Добавить комментарий