Курыкмарий районысо Йоласал селаште 22 июньышто Элым аралыше-влак лӱмеш мемориал комплексым почыныт.
Кугу Отечественный сар годым боевой награде дене, да кызытсе пагытыште Мужество орден дене палемдалтше-влак лӱмеш верысе школ тунемше ден туныктышо-влак Шарнымаш аллейым шынденыт. Ял калык Йошкар Армийын офицерже Вениамин Иванович Ивановлан лан памятник воктен кумдыкым тӱзатен, информационный стендым келыштарен. Чыла тидыже ик мемориал комплексыш пурышаш.
Геройлан памятникшым Курыкмарий районыш Карелийын главаже А.Парфенчиковын кӱштымыж почеш тусо ик компаний конден. Курыкмарий мландын геройжылан шарныктышым ышташ темлымаш дене «Карелийысе марий-влак» мер организаций лектын.
С.Носова
Фотом сокцыл лаштык гыч налме
