Марий АССР-ын просвещений министржылан 1982-1988 ийлаште Звенигово районысо Какшамарий ялын шочшыжо Екатерина Фёдоровна Артюшова пашам ыштен. Шушаш шочмын, 20 ноябрьыште, тудлан 85 ий темеш.
Илыш курымыштыжо Екатерина Фёдоровна эре вуйлатыме пашаште тыршен. Тудо Звенигово оласе школышто директор лийын, комсомол да партий органлаште ыштен. Звенигово райисполком председательын, просвещений министрын, Йошкар-Ола горисполком председательын алмаштышыже лийын. 1983-1990 ийлаште Марий АССР-ын Верховный Советшын Х да ХI созыв депутатшылан сайленыт. Сулен налме канышыш лекмекшат, яра шинчен огыл. Ончыч Туныктышо-влакым усовершенствоватлыме институтышто, вара Йошкар-Ола администраций вуйлатышын полышкалышыжлан ыштен. Канышыш 65 ияш веле каен.
Кумданрак — «Марий Эл» газетын
2017 ий 18 ноябрьыште лекше номерыштыже лудын кертыда.
Любовь Камалетдинова.
Авторын фотожо.
