21 майыште Руш православный черке святой апостол да евангелист Иоанн Богословым шарналта. Ты кечын шке святойжын кечыжым Йошкар-Ола да Марий митрополит Иоаннат палемден.
Марий Эл вуйлатыше Юрий Зайцев лӱм дене тудым ты кече дене Марий Эл правительстве председательын икымше алмаштышыже Михаил Васютин саламлен да митрополитлан обществынан духовный йӱлажым да чон кӧргӧ поянлыкшым арален, республикыштына конфессий-влак кокласе кылым пеҥгыдемден толмылан тауштен.
Юрий Зайцев шке телеграм-каналыштыже митрополитым шкежак саламлен: тазалыкым, нимучашдыме духовный куаным да Руш православный черке, Шочмо эл верч шуктен толмо поро пашаштыже Юмын полышыжым тыланен.
Марий Эл вуйлатышын пресс-службыжын уверже негызеш С.Носова ямдылен.
