Марий Элыште тений вольыклан 588 тӱжем тонн чоштыра да нӧрӧ кургым ямдылаш палемдыме.
Тиде гана курго чапле лектышан шочын, сандене тудым ӱмашсе тыгаяк жап дене таҥастарымаште шукырак ямдылыме. Арня тӱҥалтышлан тӱшка ден фермер озанлык-влак кукшо шудым 23,4 тӱжем тонным шапашленыт, планым 56 процентлан теменыт. Звенигово район планым эн ончыч темен, Шернур район тиде кечылаште палемдыме нарак ямдылен шукта.
Сенажым оптымо паша сайынрак ушнен толеш. Тудым 226 тӱжем тонным ямдылыман гын, 226 тӱжем тонным шапашлыме. Волжский, Марий Турек, Морко, Шернур, Советский район-влак планым эн ончыч эртарен теменыт.
Силосым вынемлашке 241, 6 тӱжем тонным пыштыман гын, планым 44 процентлан темыме. Оршанке район тиде кургым палемдымын 140 процентшым ямдылен.
