Марий Элым вуйлатыше Александр Евстифеевын 22 июльышто лукмо пунчалже почеш, Звенигово олаште канализаций коллекторым шотыш кондашлан регионысо правительствын резерв фондшо гыч 5 млн. наре теҥгем ойырымо.
Тиде окса дене тений Пушкин уремысе 75 метр коклам олмыкташ да олан экологий сӱретшым мыняр-гынат саемдаш палемдыме.
«Звениговышто коллекторым олмыкташлан Марий Эл правительстве резерв фондшо гыч кугу оксам ынде кумшо ий ойыра. Тыгеже идалык мучаш марте чыла пашам мучашлена манын ӱшанем», — пунчалышке кидпалыжым пыштыме годым палемден А.Евстифеев.
Аварий 2019 ий шошым лийын. Канализаций коллекторыш мланде сӱмырлен волымылан кӧра Юл серыште верланыше олаште мушкылтыш вӱд чарашке лектын. Олмыктымо пашам Марий Элым вуйлатыше А.Евстифеев вигак шке контрольышкыжо налын. Тунам тудын кӱштымыж дене регионысо правительствын резерв фондшо гыч 40 млн. утла теҥгем ойырымо. Тылеч варат окса дене ик гана веле огыл полшымо. Ойырымо средства дене у насос станцийым шындыме, канализаций сетьым тичмашнек вашталтыме. Олмыктымо пашан кузе шукталтмыжым регионым вуйлатыше, аварий лийме верыш миен, шкеак эскерен.
Тиде окса дене тений Пушкин уремысе 75 метр коклам олмыкташ да олан экологий сӱретшым мыняр-гынат саемдаш палемдыме.
«Звениговышто коллекторым олмыкташлан Марий Эл правительстве резерв фондшо гыч кугу оксам ынде кумшо ий ойыра. Тыгеже идалык мучаш марте чыла пашам мучашлена манын ӱшанем», — пунчалышке кидпалыжым пыштыме годым палемден А.Евстифеев.
Аварий 2019 ий шошым лийын. Канализаций коллекторыш мланде сӱмырлен волымылан кӧра Юл серыште верланыше олаште мушкылтыш вӱд чарашке лектын. Олмыктымо пашам Марий Элым вуйлатыше А.Евстифеев вигак шке контрольышкыжо налын. Тунам тудын кӱштымыж дене регионысо правительствын резерв фондшо гыч 40 млн. утла теҥгем ойырымо. Тылеч варат окса дене ик гана веле огыл полшымо. Ойырымо средства дене у насос станцийым шындыме, канализаций сетьым тичмашнек вашталтыме. Олмыктымо пашан кузе шукталтмыжым регионым вуйлатыше, аварий лийме верыш миен, шкеак эскерен.
Марий Элым вуйлатышын организаций да аналитике виткемжын уверже негызеш М.ИВАНОВА ямдылен
